విజయవాడ పార్లమెంట్ సభ్యుడు కేశినేని శివనాథ్ (చిన్నీ), పశ్చిమ నియోజకవర్గంలోని షా జహూర్ ముసాఫర్ ఖానా కళ్యాణ మండపంకు ఏర్పడిన కొత్త పాలకవర్గం పేద ముస్లిం కుటుంబాలకు అండగా నిలవాలని ఆకాంక్షించారు. కేవలం అభివృద్ధి పనులకే పరిమితం కాకుండా, సామాజిక సేవా దృక్పథంతో బలహీన వర్గాలకు తోడ్పాటు అందించాలని ఆయన సూచించారు. రాష్ట్ర ప్రభుత్వం ఇటీవల ముసాఫర్ ఖానా కళ్యాణ మండపానికి కొత్త పాలకవర్గాన్ని నియమిస్తూ జీవో జారీ చేసింది. ఆ జీవో పత్రాన్ని ఎంపీ శివనాథ్ నూతన కమిటీ సభ్యులకు అందజేశారు. ఈ సందర్భంగా గురునానక్ కాలనీలోని ఎన్టీఆర్ భవన్ లో నిర్వహించిన కార్యక్రమంలో, రాష్ట్ర మైనారిటీ సెల్ ప్రధాన కార్యదర్శి ఫతావుల్లాహ్ ఆధ్వర్యంలో ప్రెసిడెంట్‌గా నియమితులైన సయ్యద్ సలీమ్ సహా కమిటీ సభ్యులు ఎంపీ శివనాథ్‌ను కలిశారు. ఈ సందర్భంలో ఎంపీ శివనాథ్, సయ్యద్ సలీమ్‌ను శాలువాతో...