తెలంగాణ రాష్ట్ర ప్రభుత్వం పేదలకు సొంతింటి కలను సాకారం చేయడానికి అమలు చేస్తున్న ఇందిరమ్మ ఇళ్ల పథకంలో ఒక కొత్త మార్పు వచ్చింది. ఇప్పటి వరకు లబ్ధిదారుల ఇళ్ల నిర్మాణ దశలను అధికారులు మాత్రమే యాప్‌లో నమోదు చేసి, ఆ తర్వాతే నిధులు విడుదల అయ్యేవి. అయితే ఇప్పుడు ఈ ప్రక్రియలో మార్పు తీసుకువచ్చి, లబ్ధిదారులే నేరుగా మొబైల్ యాప్ ద్వారా ఇంటి నిర్మాణ వివరాలు అప్‌లోడ్ చేయగలిగే సౌకర్యం కల్పించారు. గతంలో ఇళ్ల నిర్మాణంలో పునాది, గోడలు, శ్లాబ్ వంటి దశల్లో అధికారులు లేదా సిబ్బంది ఫోటోలు తీసి యాప్‌లో అప్‌లోడ్ చేయాల్సి వచ్చేది. నిధులు విడుదల కావాలంటే పూర్తిగా అధికారులపై ఆధారపడాల్సి వచ్చేది. ఈ విధానంలో కొంతమంది అధికారుల చేత అవినీతి, లంచాల డిమాండ్లు ఎదురవుతున్నాయి. ఈ సమస్యలను నివారించడానికి గృహ నిర్మాణ శాఖ...