కేంద్ర మంత్రి పెమ్మసాని చంద్రశేఖర్ మాజీ ముఖ్యమంత్రి, వైసీపీ అధినేత వైఎస్ జగన్ మోహన్ రెడ్డిపై ఘాటు విమర్శలు గుప్పించారు. శనివారం గుంటూరులో ఎమ్మెల్యే నజీర్‌తో కలిసి ప్రభుత్వ మహిళా కళాశాలను పరిశీలించిన అనంతరం మీడియాతో మాట్లాడిన ఆయన, జగన్ పాలనలో చోటు చేసుకున్న వైఫల్యాలను కఠినంగా ప్రస్తావించారు. పెమ్మసాని మాట్లాడుతూ, జగన్ వ్యాఖ్యలు విడ్డూరంగా ఉన్నాయని ఎద్దేవా చేశారు. “ప్రజలను ఒకసారి మోసం చేయవచ్చు కానీ ప్రతిసారీ మోసం చేయలేరు. ముఖ్యంగా గుంటూరు, రాజధాని ప్రాంత ప్రజలు అత్యంత తెలివైనవారు. ఎవరికీ అధికారం అప్పగించాలో వారికి బాగా తెలుసు” అని ఆయన అన్నారు. అయన ముఖ్యంగా మంగళగిరి ఎయిమ్స్ అభివృద్ధి విషయాన్ని ప్రస్తావించారు. జగన్ హయాంలో ఆ జాతీయ స్థాయి వైద్య సంస్థకు నీళ్లు, రహదారులు వంటి ప్రాథమిక సదుపాయాలు కూడా ఇవ్వలేదని మండిపడ్డారు. “ఎయిమ్స్‌ను కూడా...