ఆంధ్రప్రదేశ్ రాజకీయాల్లో సంచలనం రేపిన లిక్కర్ స్కామ్ కేసులో అరెస్టైన వైసీపీ నేత, మాజీ ఎమ్మెల్యే చెవిరెడ్డి భాస్కరరెడ్డికి మరోసారి నిరాశ ఎదురైంది. ఆయన దాఖలు చేసిన బెయిల్ పిటిషన్‌ను విజయవాడ ఏసీబీ ప్రత్యేక కోర్టు నిన్న తిరస్కరించింది. ఇప్పటికే ఒకసారి కోర్టు తిరస్కరించిన తర్వాత మళ్లీ వేసిన బెయిల్ పిటిషన్ కూడా తోసిపుచ్చడంతో చెవిరెడ్డి పరిస్థితి మరింత క్లిష్టంగా మారింది. కోర్టులో జరిగిన వాదనలు ఈ కేసులో ఇరువర్గాల వాదనలు గత వారం ముగిశాయి. చెవిరెడ్డి తరఫు న్యాయవాదులు, ఆరోపణలు సబితం కాలేదని, ఆయన నిర్దోషి అని వాదించారు. అయితే ప్రభుత్వ న్యాయవాది జేడీ రాజేంద్రప్రసాద్ మాత్రం చెవిరెడ్డి కీలక పాత్ర పోషించారని, ఆయనకు బెయిల్ మంజూరు చేస్తే దర్యాప్తుపై ప్రతికూల ప్రభావం ఉంటుందని కోర్టు దృష్టికి తీసుకువచ్చారు. ప్రభుత్వ న్యాయవాది వాదన ప్రకారం – గత అసెంబ్లీ ఎన్నికల...